|
Tmiem millennju
m'huwiex biss żmien li fih wieħed jieqaf biex janalizza l-ġrajjiet ii
għaddiet minnhom id-dinja madwarna, jew kemm-il rivoluzzjoni falliet jew
irnexxiet, imma huwa wkoll għal uħud żmien ta' introspezzjoni qalila
personali. Huwa veru li Pawlu huwa karattru newrotiku, kittieb ta' ideali
skaduti, bniedem tal-poplu, mitluf ġod-dinja qadima li m'għadux jagħraf,
wisq anqas jgħożż; klandestin ġo artu stess. L-ideali li fuqhom
immudelajt
ħajtek, l-imperattiv, kif isejjaħlu Pawlu, li ddominalek nofs seklu ta'
ħajtek, jasal ukoll biex jaqa' taħt l-istess lenti bla ħniena u tiskopri li
r-rivoluzzjoni tiegħek personali għajiet tirribella kontra l-kompromess.
trażmissjoni mwaħħra
Għax għal Pawlu Schembri Panzavecchia,
il-komunikazzjoni ma' ġensu, mal-qarrejja tiegħu u fuq kollox dan l-aħħar
ftit snin, meta l-pluraliżmu offrilu pulptu ieħor minn fejn jista'
jindirizzahom permezz tar-radju, tidher li hija komunikazzjoni li tilfet
kull sens, sbroffat u qabżet kull limitu, sfreġjat ruħha bi djalogu moqżież
daqs kemm irrepetibbli ma' ġens ipokrita u bigott li dad-diskors huwa
l-lingwaġġ li jifhem l-aħjar. Ħajtu għamluhielu trażmissjoni mwaħħra, vittma
tas-seven-second delay mechanism - ftit sekondi biex jista’ kontinwament
jinħema l-kompromess. Imma mis-Sittinijiet sa tmiem il-millennju armajn
il-protesta ilha li birdet u Pawlu jagħraf li r-rivoluzzjoni mhix
tixxandar, ma tistax tixxandar, la fuq it-televiżjoni (b'apoloġija
lil Norah
Jones u Gil Scott-Heron) u l-anqas fuq ir-radju. Wisq anqas f'kitbietu.
Il-paranoja tiegħu tidher li rawmet
ukoll Leħen li jħuf warajh bla ħniena, jikxiflu beraħ pjagi li qatt ma
fiequ. Ix-xewqa frustrata għall-komunikzzjoni wara kollox jista' jkollha
għeruq ħafna aktar sempliċi. L-unika fidwa tista' forsi tinstab kieku
jirnexxielu sa fl-aħħar jikkomunika talanqas ma' bintu, armajn tfajla
matura, li hija kulma baqagħlu minn relazzjoni li qatt ma rnexxielu
jżomm sħiħa, relazzjoni minn tal-bidu, li warajha bħalha ġew
ħafna, iżda li
tagħhom ma fadalx għajr dellijiet ta' żminijiet meta l-ħeġġa tal-bidla
kienet qawwija, friska u forsi ġenwina.
ix-xenarju
urban malti
Kif murija fuq il-Palk tagħna, ir-rivoluzzjoni fix-xenarju urban Malti, fuq
l-għatba ta' millennju ġdid, b'identità intemazzjonali ġdida, hija
rivoluzzjoni illużorja, forsi wkoll deriżorja u illusiva. Għalhekk m'hix se
tixxandar.
it-triq lejn damasku Le, ir-rivoluzzjoni m'hix se tixxandar, u lanqas ma nistenna li dad-dramm
xidarba jixxandar, jinħadem jew jitla' f'xi żmien qarib wisq. Il-verità hi li
ma nafx nixtequx jixxandar. Ma nistax nimmaġinah imxandar, ippubblikat jew
b'xi mod imwassal lill-pubbliku. Bħal Pawlu jien ukoll nahseb li armajn min
jippriedka r-rivoluzzjoni, imwieżen fuq spallejn il-kompromessi, ma jistax
jiggarantixxi wisq kredibbiltà. Il-lingwaġġ tiegħu, bħal ta' Pawlu
kkastigat, immanettjat u miftum minn bintu, jaqbeż il-limili ta' l-oxxenità
u l-kliem moqżież tal-protestà tiegħu jistgħtu xidarba jissikktu biss fit-triq
lejn damasku minn Leħen mis-sema li mhux lakemm jiftiehem fil-kakofanija
tal-midja sfrenata. Imma t-triq lejn damasku fix-xenarju urban Malti, kif
muri fuq il-Palk Malti, hija triq illusiva u illużorja, forsi wkoll
deriżorja; triq imwiegħra li ntilfet minn fuq il-mappa ġeografika kulturali.
Għalhekk m'hix se tixxandar il-fidwa ta' seħibna Pawlu Pasparawlu.
 Għalhekk,
ir-rivoluzzjoni mhix se tkun fuq it-televiżjoni, ħabib,; mhux se tkun tista'
tagħfas buttuna, tixxaħxaħ u tintelaq, kultant taħrab ħarba għal ftit trab u
daqsxejn buzz u bejn riklam u ieħor taħtaf birra jew
tnejn... għax ir-rivoluzzjoni m'hix se tkun fuq it-televiżjoni.
La l-lejla
u lanqas fil-millennju ġdid, ħabib.
OresteCalleja, Ottubru 2004
Mid-daħla għal "Pawlu Redux" |
|
